Dende fai anos, no local social da San Vicente do Burgo non se levou a cabo ningunha mellora. É unha parroquia do Concello de Lugo, cunha poboación de 100 veciños, e con máis de 20 nenos, que non teñen ningún espazo de lecer nin de encontro nos arredores da parroquia.

Polo que, dende a Asociación de Veciños do Burgo, presentamos a solicitude dentro dos orzamentos participativos, para que se leve a cabo esta mellora e se inclúa mobiliario infantil, como columpios, tobogán... Somos coñecedores que 15.000 euros non chega para unha mellora importante, pero si, ao menos, para ir mellorando o espazo e dotalo de mobiliario que sexa atractivo para que se converta nun lugar de encontro para as nenas e nenos da parroquia e do conxunto dos veciños.